يخطو بحذر بالغ .. يتلفت يمنة و يسرة .. يفاجئ من لا يقف خلفه بنظرة خاطفة للوارء .. يعود ليتحسس موضع قدميه ثم يُجدّ السير حتى يصل إلى (المكان الآمن) ..
ما زال يتصبب عرقًا .. و ينظر لما يحمله بين يديه في حذر مبالغ فيه ..!!
سريعًا ينهي مهمته .. و يُطوح إثمًا حمله بعيدًا إلى مستقره .. ثم يهرب فَزِعًا من هذا المكان المشئوم.
يلتقفه صاحبه و قد أعدّ السيارة للرحيل فورًا:
- عملت ايه ؟
- الحمد لله خلصت
- طب مالك مخضوض ليه كده ؟؟ .. دلوقتي غير زمان ..
- يعني ايه ؟؟
- زمان و أنت بتنتخب الإخوان كان طبيعي تبقى خايف .. إنما انتخابك ليهم دلوقتي حاجة في مصلحتك .. و مش محل خوف ..!!
- اممم .. أصلي منتخبتش الإخوان ..!!
- امال .. شفيق ؟
- آه
- ليه ؟؟
- مش عارف ..!!
- اها .. علشان كده خارج مرعوب .. الظاهر أنه كيف
- هو ايه دا اللي كيف ؟
- الخوف يا محترم ..!!
-تمت-
ليست هناك تعليقات:
إرسال تعليق